23 июн 10:48
Янгиликлар
Теннис
Фарғона “Фьючерс”. Икки теннисчимиз финал чиптаси учун курашга шай!
Фарғона шаҳридаги “Истиқлол” теннис кортларида “Фьючерс” туркумига кирувчи турнирнинг асосий тўр баҳслари давом этмоқда.
Мукофот жамғармаси 25 000 АҚШ долларини ташкил қилувчи мусобақада бугун яккалик баҳсларининг ярим финал учрашувлари ўтказилади. Иккала жуфтликда ҳам ўзбекистонлик теннисчи қизлар кортга чиқишади.
Асосий тўрга саралаш баҳслари орқали етиб келган истеъдодли теннисчимиз Гўзал Юсупова финал чиптаси учун Анастасия Фролова билан рақобатлашади. Россиялик бу теннисчи кеча чорак финалда ҳамюртимиз турнирнинг биринчи ракеткаси Сабина Шариповани мусобақадан чиқариб юборганди.
Иккинчи ярим финал жуфтлигида мамлакатимизнинг иккинчи, турнининг учинчи рақамли теннисчиси Нигина Абдураимова олтинчи ракетка россиялик Варвара Флинк билан муносабатларига ойдинлик киритиб олади.
Ҳавола :
Манба : olamsport.com
Фикрлар