21 июн 13:35
Янгиликлар

Теннис

Фарғона “Фьючерс”. Камолада ғалаба, Арина ва Сарвинозда мағлубият

Хабар берганимиздек, шу кунларда Фарғона шаҳридаги “Истиқлол” теннис кортларида “Фьючерс” туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақанинг биринчи даврасида яна бир теннисчимиз муваффақиятга эришди. Терма жамоамиз аъзоси бўлган Камола Умарова қозоғистонлик Александра Гринчишинани икки сетда ҳам бир хил 6:4 ҳисобида таслим этди.

Қолган икки теннисчимиз эса мағлубият аламини тотиб кўрди. Арина Фолц ҳиндистонлик Наташа Палхага 7:6(4), 2:6, 4:6, Сарвиноз Сайидхўжаева эса россиялик Варвара Кузнецовага 2:6, 6:2, 3:6 ҳисобида ютқазиб қўйди.