Фарғона “Фьючерс”. Уч теннисчимизда кутилган мағлубият

Соврин жамғармаси 25 000 АҚШ долларини ташкил қилувчи мусобақанинг асосий тўрида 11 нафар ўзбекистонлик теннисчининг иштирок этиши ҳақида хабар берган эдик. Улардан уч нафари илк кунги баҳсларда мағлубиятга учраб, турнир билан хайрлашди.  

Жумладан, Гулчеҳра Муҳаммадсиддиқова россиялик машҳур теннисчи, “Катта Дубулға” туркумига кирувчи турнирлар ғолибаси Вера Звонаревага 0:6, 0:6 ҳисобида ютқазди.

Милена Амедиева турнирнинг олтинчи ракеткаси, қозоғистонлики Камила Керимбаевага 0:6, 1:6, Лайло Баҳодирова эса қирғизистонлик Ксения Палкинага 1:6, 4:6 ҳисобида имкониятни бой бериб қўйди.

Мамлакатимизнинг биринчи ракеткаси Сабина Шарипова Фарғона турнирида ҳам биринчи рақам остида ҳаракат қилади. Бугун у илк даврада яна бир ҳамюртимиз Шаҳноза Хотамовага қарши кортга чиқади. Учинчи ракетка сифатида қайд этилган Нигина Абдураимова Ясмина Каримжонова билан тўқнаш келади.

Теннисчиларимизнинг 1-даврадаги рақибалари:

Сабина Шарипова (Ўзбекистон, 1) - Шаҳноза Хотамова (Ўзбекистон)

Нигина Абдураимова (Ўзбекистон, 3) - Ясмина Каримжонова (Ўзбекистон)

Камола Умарова (Ўзбекистон) - Александра Гринчишина (Қозоғистон)

Арина Фолц (Ўзбекистон) - Наташа Палха (Ҳиндистон)

Сарвиноз Сайидхўжаева (Ўзбекистон) - Варвара Кузнецова (Россия)

Полина Меренкова (Ўзбекистон) - Ксения Ликина (Россия, 2)