08 ноя 19:47
Янгиликлар

Кураш

Фарғонада белбоғли кураш бўйича Ўзбекистон чемпионати якунланди ФОТОГАЛЕРЕЯ

6-8 ноябрь кунлари Фарғона шаҳридаги яккакураш спорт турлари бўйича ихтисослаштирилган болалар-ўсмирлар спорт мактабида эркаклар ва аёллар ўртасида Ўзбекистон чемпионати ўтказилди.

Мамлакатимизнинг барча ҳудудларидан 200 нафарга яқин полвонлар иштирок этган мазкур катталар ўртасидаги чемпионатда беллашувлар ҳар қачонгиданда шиддатли ва муросасиз баҳсларга бой тарзда ўтди.

Белбоғли кураш федерациясининг ҳакамлар ҳайъати раиси Тошкентбой Яхшибоев бошчилигидаги ҳакамлар гуруҳи эса кучлиларни саралаб боришди.

Мусобақанинг биринчи кунида эркаклар классик усулида 8 та вазнда, аёллар эса эркин йўналишда 7 та вазн тоифасида кураш олиб боришди.

Қуйида ғолиб спортчилар билан танишишингиз мумкин.

Эркаклар (классик йўналиш)

55 кг. 1. Жамолиддин Неъматуллаев (Наманган), 60 кг. 1. Ҳусанбой Носиров (Андижон), 66 кг. 1. Ойбек Султонов (Андижон), 73 кг. 1. Нусратбек Султонбоев (Андижон), 81 кг. 1. Ҳусниддин Рўзиев (Андижон), 90 кг. 1. Зайлобиддин Ортиқов (Тошкент ш.), 100 кг. 1. Аъзам Анваржонов (Андижон), +100 кг. 1. Шерзод Раҳимов (Фарғона).

Аёллар (эркин йўналиш)

48 кг. 1. Камолахон Хабибуллаева (Андижон), 52 кг. 1. Мадинахон Акрамова (Андижон), 57 кг. 1. Земфира Азатова (Қорақалпоғистон), 63 кг. 1. Манзураой Муйдинова (Фарғона), 70 кг. 1. Дилафрўз Мамажонова (Наманган), 76 кг. 1. Зебохон Носирова (Наманган), +76 кг. 1. Анифе Куртсеитова (Андижон)

Чемпионатнинг иккинчи кунида эркаклар белбоғли курашнинг эркин усулида 7 та вазн тоифасида ўзаро куч синашишди.

Эркаклар (эркин йўналиш)

55 кг. 1. Аббос Хомидов (Фарғона), 60 кг. 1. Азизбек Азимжонов (Фарғона), 66 кг. 1. Холмирза Ҳасанбоев (Тошкент ш.), 73 кг. 1. Ҳасанжон Мирзараҳимов (Фарғона), 81 кг. 1. Муҳаммадилло Ҳайитбоев (Наманган), 90 кг.1. Шерзод Абдумуталов (Наманган), 100 кг. 1. Илёсжон Обиджонов (Фарғона), +100 кг. 1. Даврон Абдураҳмонов (Фарғона).

Беллашувлар якунига етгач, кучли учликдан жой олган спортчиларни тақдирлаш маросими бўлиб ўтди. Ғолиб ва совриндорлар диплом, медаль ва қимматбаҳо совғалар билан мукофотланишди.

Тақдирлаш маросимида шунингдек, Ўзбекистон белбоғли кураш федерацияси раиси Равшан Дастиров ҳам иштирок этиб, медалларни қўлга киритган спортчиларга ҳамда номинация ғолибларига федерация томонидан ажратилган эсдалик совғаларини топширди.