20 май 17:13
Янгиликлар

Бокс/ММА

Фазлиддин Ғоибназаров - Агустин Маурас. Вазн ўлчаш маросими бўлиб ўтди ФОТО

Рио Олимпиадаси совриндори Фазлиддин Ғоибназаров якшанба куни тонгда профессионал боксдаги иккинчи жангини ўтказади.

Боксчимизнинг жанги олдидан вазн ўлчаш маросими бўлиб ўтди.

Ҳамюртимиз 20 май куни АҚШнинг Нью-Йорк шаҳридаги дунёга машҳур “Мэдисон Сквер Гарден” аренасида рингга кўтарилади. Унинг рақиби америкалик Агустин Маурас бўлади.

1990 йилда туғилган боксчи шу кунгача профессионал боксда 11 та жанг ўтказган. Ушбу жанглардан 6 тасида ғалаба қозонган Агустин 2 бор ютқазиб қўйган. Уч маротаба эса унинг жангида ғолиб аниқланмаган.

Бугун боксчилар анъанага кўра тарозидан ўтиш маросимида иштирок этишади. Нью-Йоркдаги бокс оқшомининг марказий жанги америкалик икки йўналиш чемпиони Теренс Кроуфорд иштирокида бўлиб ўтади.

Эслатиб ўтамиз, Фазлиддин Ғоибназаров АҚШнинг Калифорния штати Карсон шаҳридаги StubHub Center аренасида бўлиб ўтган илк жангида америкалик Виктор Васкесни иккинчи раунддаёқ техник нокаутга учратган эди.

Ҳавола :

Манба : olamsport.com

Рейтинг: +2