Фазлиддин Ғоибназаров: “Дуода бўлаётганларнинг ишончини оқлайман”

Дунёга машҳур “Top Rank” промоутерлик компанияси билан шартнома имзолаган боксчимиз америкалик Виктор Васкесга қарши рингга кўтарилади. Жанг АҚШнинг Калифорния штати Карсон шаҳридаги StubHub Center аренасида бўлиб ўтади.

“Жангга бир неча ой қизғин тарзда тайёргарлик кўрдик. Мураббийим Аброр Турсунпўлатов билан бирга машғулотларни кучайтирилган режимда олиб бордик.

Рақиб ҳақида унчалик кўп маълумотга эга эмасмиз. Интернетда бир-иккита жанглари бор экан. Шу орқали рақибни ўрганиб, жангга ҳозирлик кўрдик. Профессионал боксдаги илк жангим осон бўлмаслиги аниқ.

Лекин мен халқимизни ўзимнинг ғалабам билан хушнуд этишни мақсад қилганман. Мени дуо қилиб турган барчанинг ишончини оқлаш истагидаман”, - деди Фазлиддин сайтимизга берган эксклюзив интервьюсида. 

Жанг айнан мана шу аренада бўлиб ўтади