Фазлиддин Ғоибназаровнинг чемпионлик жангига бир қадам қолди

Биз Рио Олимпиадаси чемпиони билан боғлиқ янгиликларни билиш мақсадида АҚШда, шогирдининг ёнида бўлиб турган мураббийи Аброр Турсунпўлатов билан боғландик.  

"9 декабрь кунги жангда ғалаба қозонсак, чемпионлик жангига бир қадам қолади. Ушбу жанг 8 раундлик жанг мақомида бўлади. Айни пайтда унинг рейтингдаги ўрни кўтарилиб боряпти. Яна 2-3та жангдан сўнг чемпионлик жанги ташкил қилиниши мумкин. Чемпионлик камари учун жанг камида 10 раунд бўлади. Агар декабрдаги жангни ютсак, кучли юзталикка кириб оламиз. Кейин эса яна битта жанг ўтказилади ва бу билан чемпионлик учун даъвогарлик қилишимиз мумкин.

Аслида 9 декабрь кунги рақибимизни рейтингда тезроқ кўтарилиш учун алмаштирдик. Промоутерларнинг рақибни алмаштириш ҳақидаги таклифига ҳеч иккиланишсиз рози бўлдик. Унинг навбатдаги рақиби россиялик боксчи Калифорнияда машғулотларини ўтказади. Ўз вақтида ҳозир мутлоқ жаҳон чемпиони бўлиб турган америкалик Теренс Кроуфорд билан чемпионлик жангида ҳам иштирок этган", - деди Аброр Турсунпўлатов.