Фазлиддин рингга чиққан оқшомда Берчельт WBC камарини ҳимоя қилди

Қизиқарли жангларнинг бири иккинчи ярим енгил вазн тоифасида ўтказилиб, унда мексикалик икки боксчи ўзаро тўқнаш келди. Амалдаги WBC чемпиони Мигель Берчельт камарини ҳамюрти Франсиско Варгасдан ҳимоя қилди.

Чемпионлик жанги олтинчи раунд якунланиб бораётган бир паллада тўхтатилди. Франсисконинг секундантлари жангни давом эттириш бефойда эканлигини тушуниб етишди ва ўз хоҳишларига кўра баҳсни тўхтатишди.