19 июл 11:57
Янгиликлар
Теннис
Fed Cup. Ўзбекистон - Туркманистон 2:0. Сабина ва Камолада ғалаба
Хотин-қиз теннисчилар ўртасида норасмий жаҳон чемпионати ҳисобланган Fed Cup, яъни Федерация кубогининг иккинчи саралаш босқич баҳслари бошланди.
Тожикистоннинг Душанбе шаҳрида ўтказилаётган минтақавий баҳсларда Ўзбекистон терма жамоаси ҳам иштирок этяпти. Ирода Тўлаганова мураббийлигидаги қизларимиз бугун Туркманистон терма жамоасига қарши баҳсни бошлашди.
Ҳозиргина яккалик баҳсларидаги иккита учрашув якунланди. Аввалига Камола Умарова рақибаси Жаҳона Байрамовани 47 дақиқа давом этган учрашувда 6:2, 6:0 ҳисобида мағлуб этди.
Иккинчи баҳсда эса биринчи ракеткамиз Сабина Шарипова Гулжан Муҳамедкулиевадан 6:1, 6:0 ҳисобида устун келди. Бу учрашув 43 дақиқа давом этди.
Бироздан сўнг Оқгул Омонмуродова ва Нигина Абдураимова жуфтликлар беллашувида Байрамова дам Муҳамедкулиева ҳамкорлигига қарши кортга чиқишади.
Ҳавола :
Манба : olamsport.com
Фикрлар