09 фев 08:51
Янгиликлар

Теннис

Fed Cup. Янги Зеландия мағлуб этилди, эндиги рақиби - Индонезия!

Баҳрайнда аёллар терма жамоалари ўртасидаги норасмий жаҳон чемпионати ҳисобланадиган “Федерация Кубоги” (FedCup) турнири ўтказилмоқда.

Ирода Тўлаганова мураббийлигидаги вакилаларимиз “А” гуруҳида иштирок этишди. Улар илк учрашувда Ливан терма жамоасидан 2:0 ҳисобида устун келишганди. Кеча Янги Зеландия терма жамоаси 3:0 ҳисобида мағлуб этилди.

Гуруҳда биринчи ўринни эгаллаган Ўзбекистон аёллар терма жамоаси энди иккинчи гуруҳ ғолибаси бўлган индонезиялик теннисчиларга қарши кортга чиқади. Бу учрашув эртага ўтказилади. Жамоамиз таркибидан Сабина Шарипова, Нигина Абдураимова, Оқгул Омонмуродова ва Ясмина Каримжонова жой олган.