22 июл 15:48
Янгиликлар
Теннис
FedCup. Қизларимиз Гонконгга ютқазишди
Қиз теннисчилар ўртасидаги норасмий жаҳон чемпионати ҳисобланадиган Федерация кубогида теннисчиларимиз Гонконг терма жамоасига қарши ўйин ўтказишди.
Ирода Тўлаганова сардорлигидаги Ўзбекистон терма жамоаси бугун гонконглик рақибларига қарши тўқнаш келишди.
Илк ўйинда Оқгул Омонмуродова Чон Вонгни 6:2, 6:4 ҳисобларида мағлубиятга учратиб, жамоамизни олдинга олиб чиққанди. Иккинчи ўйинда эса мамлакатимизнинг биринчи рақамли теннисчиси ҳисобланадиган Сабина Шарипова Чжан Линга 4:6, 1:6 ҳисобларида ютқазди.
Жуфтлик баҳсларида эса Абдураимова/Омонмуродова тандеми Чонг/Ип каби теннисчиларга қарши кортга чиқишди. 2 соат 14 дақиқа давом этган ўйинда вакилларимиз 7:6, 3:6, 3:6 ҳисобларида мағлубиятга учрадилар.
Шу тариқа Ўзбекистон - Гонконг қарама-қаршилигида вакилларимиз 1:2 ҳисобида имкониятни бой бердилар.
Ҳавола :
Манба : olamsport.com
Фикрлар