Fergana Cup. Бугун Фомин жамоадошига қарши кортга чиқади

Ўғил болалар ўртасидаги G3 турнирида ҳам ўндан зиёд давлатдан теннисчилар иштирок этяпти. Ҳамюртимиз Сергей Фомин мусобақанинг биринчи рақамли теннисчиси сифатида сараланган. 

Қуръа натижасига кўра, бугун Фомин биринчи давра учрашувида яна бир ўзбекистонлик теннисчи Искандар Каримовга қарши кортга чиқади. Турнирнинг иккинчи рақамли иштирокчиси руминиялик Сибастьян Жима эса ҳамюртимиз Равшан Қодировни синовдан ўтказади. 

Маълумот учун, шанба куни якунига етган Тошкентдаги NBU Cup мусобақасида айнан Фомин бош мукофотни қўлга киритган эди. Фарғонадаги турнирда ҳам Сергей бош соврин учун асосий даъвогар бўлиб турибди.