Fergana Cup. Қизларимиздан 1/2 финалга ҳеч ким етиб кела олмади

Қиз болалар ўртасидаги G3 турнирида иштирок этаётган теннисчиларимиздан ҳеч бири ярим финал йўлланмасини қўлга кирита олмади. Мусобақанинг тўртинчи рақамли теннисчиси сифатида сараланган Ясмина Каримжонова чорак финалда россиялик Алина Лебедевага 7:6(4), 6:7(5), 4:6 ҳисобида ютқазиб қўйди. 

Яна бир вакиламиз Милана Масленкова эса турнирнинг учинчи ракеткаси қозоғистонлик Екатерина Дмитриченкога 6:2, 3:6, 2:6 ҳисобида имкониятни бой бериб, мусобақа билан хайрлашди. Бугун ярим финал учрашувлари ўтказилади.