FIFA "Челси"га тақиқ қўйди

Футболчиларни рўйхатдан ўтказишда регламент бузилган 29та ҳолат топилди. Шу сабаб билан ФИФА «Челси»га яқин 2та трансфер ойнаси вақтида янги футболчи рўйхатдан ўтказишни тақиқлаб қўйди.

Шу тариқа «Челси» 2019 йил ёзи ва 2020 йил қишида янги футболчи сотиб ололмайди. Клуб бундан ташқари 600 минг Швейцария франки миқдорида жарима тўлайди.

ФИФА қарори ҳозирча кучга кирмаган. «Челси» ФИФА апелляцион қўмитасига арз қилиши мумкин, бу ҳам иш бермаса Спорт арбитраж судига мурожаат қилиниши мумкин.

Бу тақиқ ижарага олинган ва сотиб олиш ҳуқуқига эга бўлган футболчилар учун таъсир қиладими (масалан, Гонсало Игуаин) ёки йўқми ҳозирча номаълум. Ушбу тақиқ сотилаётган футболчиларга таъсир қилмайди.

Олдинроқ шундай тақиқ «Атлетико» ва «Барселона» клубларига қўйилган эди.