Финалда Зоировга ютқазган Алоян Рио-2016 кумуш медалидан маҳрум қилинади

Сентябрь ойида Fancy Bears хакерлик гуруҳи Бутунжаҳон антидопинг агентлигининг (WADA) базасини бузиб кириб, Олимпиадада допинг ҳолати аниқланган спортчилар рўйхатини қўлга киритганди. Ушбу қора рўйхатда Алоян ҳам бор эди.

Миша 21 август, яъни мусобақанинг сўнгги куни допинг-тест топширганди. Унинг қон таркибида тақиқланган модда борлиги аниқланганди. Халқаро антидопинг ташкилоти россиялик боксчидан кумуш медал олиб қўйилишини тасдиқлади.

Боксчининг мураббийи эса Миша шамоллаб қолгани учун бу препаратни қабул қилганини айтмоқда.

Эслатиб ўтамиз, Миша Алоян Рио Олимпиадасининг финал жангида ҳамюртимиз Шаҳобиддин Зоировга имкониятни бой бериб қўйган эди.