15 сен 07:30
Янгиликлар
Теннис
Фомин Қоҳирада ўзидан 600 поғона юқоридаги рақибга қарши 2,5 соатлик учрашув ўтказди
Миср пойтахти Қоҳира шаҳрида ўтказилаётган “Фьючерс” туркумига кирувчи турнирнинг асосий тўр баҳслари ўзининг ҳал қилувчи палласига кирди.
Egypt Men's Futures мусобақасининг соврин жамғармаси 15 000 АҚШ долларини ташкил қилади. Ушбу турнирда истеъдодли теннисчимиз Сергей Фомин ҳам иштирок этаётганди.
Фомин иккинчи давра учрашувида Томас Брешемьега қарши кортга чиқди. Франциялик ракетка устаси дунё рейтингида Сергейдан деярли 600 поғона юқорида жойлашганди. Шунга қарамай, баҳс анча муросиз кечди.
Роппа-роса 2 соату 30 дақиқа давом этган учрашувда тажриба барибир ўз сўзини айтди. Франциялик теннисчи 6:4, 4:6, 6:3 ҳисобида ғалаба қозониб, чорак финалга йўл олди.
Эслатиб ўтамиз, 16 ёшли Сергей Фомин 1 соату 5 дақиқа давом этган илк босқич учрашувида чехиялик Алессандро Риччини икки сетда ҳам бир хил 6:2 ҳисобида мағлуб этган эди.
Ҳавола :
Манба : olamsport.com
Фикрлар