03 дек 09:10
Янгиликлар

Бокс/ММА

ФОТО. Дўсматов ва Хўжаевга “Олтин Мангуст” мукофоти топширилди

Украинанинг Одесса шаҳрида халқаро “Олтин Мангуст” мукофотининг бу йилги ғолибларини тақдирлаш маросими бўлиб ўтди.

Ўз тарихида саккизинчи бор ўтказилган “Олтин Мангуст” (International Sports Award “Golden Mongoose”) соврини спортда юқори натижаларни қўлга киритган спортчиларга тақдим этилади.

Ўтган давр мобайнида 80 нафарга яқин спортчи, мураббий, тадбиркор, сиёсатчи ва ҳукумат вакиллари ушбу нуфузли мукофотга лойиқ кўрилишган.

Қувонарлиси, бу йилги “Олтин Мангуст” мукофоти топширилган бахтли инсонлар қаторида Ўзбекистон вакиллари ҳам бор эди.

Рио Олимпиадаси чемпиони Ҳасанбой Дўсматов ҳамда Бутунжаҳон Бокс серияси мусобақасида ярим финалга қадар етиб борган “Ўзбек йўлбарслари” жамоаси мураббийи Равшан Хўжаев “Олтин Мангуст” халқаро мукофоти билан тақдирланишди.