ФОТО. Малиньяжи “ишкал” сабаб Макгрегор лагерини тарк этди

Полга Конорнинг жамоасидаги муҳит ёқмаган. Икки вазн тоифасида собиқ жаҳон чемпиони бўлган Малиньяжи спарринг рақиб сифатида Макгрегорга америкалик Флойд Мейвезерга қарши кечадиган жангга тайёргарлик кўриши учун ёрдам бераётганди.

“Ҳа, мен Макгрегорнинг машғулот лагерини тарк этдим. Бу ерга Конорга ёрдам бериш ва 26 август кунига белгиланган тарихий воқейликнинг бир қисми бўлиш учун келгандим.

Лекин ринг ташқарисида бўлаётган айрим воқеалар мени фикримни ўзгартиришга мажбур қилди. Менинг рингга худди нокаутга учраган ҳолда йиқилганим тасвири туширилган суратларни интернетга жойлашди. Аслида мен зарбадан йиқилмагандим. Конор мени қўллари билан итариб юборганди.

Мен ортиқ у билан ишлай олмайман. Лекин унинг тактикаси ҳақида ҳеч кимга ҳеч қандай маълумот бермайман. Бунга сўз бераман ва унга омад тилайман”, – деди Малиньяжи World Boxing News сайтига берган интервьюсида.