12 май 11:52
Янгиликлар

Бокс/ММА

ФОТО. Пакьяо 20 июль куни чемпионлик жанги ўтказади, рақиби енгилмас боксчи!

Филиппинлик афсонавий боксчи Мэнни Пакьяо ўзининг навбатдаги жангини 20 июль куни ўтказадиган бўлди.

Ҳозирда ярим ўрта вазн тоифасида WBA Regular чемпионлик камари соҳиби бўлиб турган Пэкмен америкалик Кит Турманга қарши рингга кўтарилади. Ушбу жанг катта эҳтимол билан АҚШнинг Невада штати Лас-Вегас шаҳрида бўлиб ўтади.

Жанг ғолиби ярим ўрта вазн тоифасида тўлақонли WBA чемпионлик камарини қўлга киритади. Турман ҳозирча сўнггиси бўлиб турган жангини шу йилнинг январь ойида Хосесито Лопесга қарши ўтказиб, ғалаба қозонган эди. Пакьяо эса айнан январда Эдриэн Бронерни мағлуб этганди.

Маълумот учун, Мэнни Пакьяо проф боксдаги фаолияти давомида 61 та ғалабага эришган. Жангларнинг 39 тасида рақибларини нокаутга учратган. Еттида жангда мағлубият аламини тотиб кўрган ва 2 жанг дуранг билан якунланган. Турман эса барча 29 жангида зафар қучган. Ҳисобида 22 та нокаут бор.