29 мар 08:54
Янгиликлар

Шахмат

ФОТО. Рустам Қосимжонов Каруанони Жаҳон чемпионлиги учун матчга олиб чикди!

Хабар берганимиздек, 10-28 март кунлари Германиянинг Берлин шаҳрида шахмат бўйича Жаҳон тожи даъвогарлари мусобақаси бўлиб ўтди.

Мусобақа амалдаги Жаҳон чемпиони Магнус Карлсен билан Жаҳон шахмат тожи учун матчга олиб чиқувчи даъвогарни аниқловчи дунёнинг энг нуфузли мусобақаси ҳисобланади.

Турнирда жаҳон шахмат юлдузлари Шаҳрияр Мамадияров (Озарбайжон), Владимир Крамник (Россия), Уэсли Со (АҚШ),Левон Аронян (Арманистон), Фабиано Каруано (АҚШ), Дин Лижэнь (Хитой), Александр Гришук (Россия) ва Сергей Карякин (Россия) иштирок этди.

Мусобақа икки давра тизимида ўтказилди. Якуний натижаларга кўра ҳамюртимиз 17-жаҳон чемпиони Рустам Қосимжонов мураббийлиги остида мусобақада иштирок этган америкалик Фабиано Каруана 9 очко билан 1-ўринни эгаллади.

Фабиано Каруана жорий йилнинг ноябрь ойида Буюк Британиянинг Лондон шаҳрида амалдаги жаҳон чемпиони норвегиялик Магнус Карлсен билан Жаҳон шахмат тожи учун бўлиб ўтадиган матчда иштирок этади.