ФОТО. Рустам Қосимжоновдан маҳорат сабоқлари

Гроссмейстеримиз маҳорат сабоқларини бериш баробарида шахмат билан шуғуллана бошлаган илк йиллари, мураббийлари, мутолаа қилган китоблари ҳақида болаларга гапириб берди.

Шунингдек, Қосимжонов ўзбекистонлик ёш шахматчиларнинг халқаро мусобақалардаги муваффақиятига алоҳида тўхталди.

Жумладан, у 12 ёшли Нодирбек Абдусатторовнинг Россияда М.Чигорин хотирасига бағишлаб ўтказилган нуфузли мусобақадаги иштирокини эътироф этди.

Абдусатторов ёш бўлишига қарамай, ушбу турнир мобайнида 3 нафар гроссмейстерни мағлуб этди, 4 нафари билан дуранг ўйнади. Бу билан у гроссмейстерлик талабини ҳам бажарди.

Бундан ташқари, ака-ука Жавоҳир ва Исломбек Синдаровлар, Нодирбек Ёқуббоев, Хумоюн Бегмуротов каби истеъдодли шахматчиларимизни ёрқин келажак кутаётганини урғулади. 

Фото. Ўзбекистон шахмат федерацияси