Футзалчиларимиз Осиё чемпионатининг гуруҳ босқичини иккинчи ўринда якунлашди

Навбатдаги босқич масаласини муддатидан олдин ҳал қилган Ўзбекистон футзал терма жамоаси бугун гуруҳдаги сўнгги ўйинни Япония терма жамоасига қарши ўтказди. Афсуски, ушбу баҳсда омад тажрибали ҳисобланган Япония терма жамоасига кулиб боқди. Ҳамюртларимизнинг иккита голига рақиблар тўртта гол билан жавоб бердилар. 

Ўзбекистон – Япония 2:4

Голлар: Ф.Абдумавлонов 3, А.Юнусов 26 - К.Мориока 21, Ш.Ҳоши 24, 35, Р.Нишитани 39

Ўзбекистон (биринчи бешлик): 1.Рустам Умаров, 14.Константин Свиридов, 11.Артур Юнусов, 7.Дилшод Раҳматов, 8.Фарҳод Абдумавлонов.

Захира: 12.Акмал Хазратқулов, 6.Илҳом Ҳамроев, 4.Ихтиёр Ропиев, 9.Даврон Абдураҳмонов, 13.Ҳусниддин Нишонов, 5.Дилмурод Шавкатов, 3.Машраб Одилов, 2.Анасхон Раҳматов, 10.Даврон Чориев.

Япония (биринчи бешлик): Япония (биринчи бешлик): 2.Хигор Пирес, 14.Риосуке Нишитани, 8.Такита Манабу, 7.Рафаэл Хенми, 9.Каору Мориока.

Захира: 1.Юши Секигучи, 5.Акира Минамото, 10.Нибуя Казуҳиро, 13.Томоаки Ватанабе, 11.Шота Ҳоши, 6.Томоки Йошикава, 3.Юки Мурота, 4.Коичи Саито, 12.Казуя Шимизу.

Шу тариқа Ўзбекистон терма жамоаси гуруҳда иккинчи ўринни қўлга киритди. Энди вакилларимиз чорак финалда "А" гуруҳида биринчи ўринни қўлга киритган терма жамоага қарши ўйнайдилар. 

Ҳозирча, терма жамоамизнинг рақиби номаълум. У Хитой Тайпейи, Малайзия ёки Вьетнам терма жамоаларидан бири бўлади.