09 ноя 10:10
Янгиликлар

Бокс/ММА

Фьюри Британия антидопинг агентлигини банкротга учратиши мумкин

Буюк Британия антидопинг агентлиги (UKAD) британиялик собиқ жаҳон чемпиони Тайсон Фьюридан хавф кутмоқда.

Гап шундаки, ушбу ташкилот Фьюрининг антидопинг қоидаларини бузганликда айблаб, боксчига нисбатан иш очган эди. 2015 йили Тайсондан олинган допинг-таҳлил британияликнинг қон таркибида тақиқланган стероид излари борлигини кўрсатганди.

Фьюри ва унинг жамоаси тақиқаланган бу модда боксчининг организмига таом орқали тушганлигини айтганди. Бу иш юзасидан суриштирув декабрь ойининг бошларида ўтказилади.

Агар Тайсон бу ишда ҳақ бўлиб чиқса, агентлик 5 миллион фунт стерлинг миқдорида товон пули тўлаши керак бўлади. Агентликнинг бир йиллик бюджети эса 8 миллион фунт стерлинг атрофида эканлиги айтилмоқда.