23 окт 11:03
Янгиликлар

Бокс/ММА

Фьюри Жошуа сабаб рингга қайтишга тайёр

Профессионал бокснинг супероғир вазн тоифасида собиқ жаҳон чемпиони Тайсон Фьюри фаолиятини қайта тиклашга тайёр эканлигини маълум қилди.

Британиялик боксчи келаси йилнинг баҳор ойларида рингга чиқишни режалаштиряпти. Унинг рўйхатида кучли боксчилар бор. Рақиблар орасида унинг ҳамюрти Энтони Жошуа Фьюри томонидан алоҳида тилга олинган.

Маълумот учун, Жошуа ҳозирда WBA, IBF ва IBO йўналишлари чемпиони бўлиб турибди. Тайсоннинг вазни 158 кг эканлиги айтилмоқда. Фьюри Рождество байрамигача вазнини 140 килограммга туширишга ваъда берган.