16 июн 14:24
Янгиликлар

Бокс/ММА

Фьюри навбатдаги жангини қачон ўтказишини маълум қилди

Супероғир вазн тоифасида собиқ жаҳон чемпиони Тайсон Фьюри бугун тонгда германиялик Том Шварцни иккинчи раундда нокаут қилиб, рақибига илк мағлубиятни тақдим этганди.

Жанг якунланганидан сўнг британиялик мағлубият нималигини билмай келаётган Фьюри кейинги режалари билан ўртоқлашди.

“Бугунги жангда ҳеч қандай жароҳат олганим йўқ. Ҳаммаси жойида бўлиб турса, кейинги жангимни октябрь ойида ўтказаман. 2020 йилнинг бошида эса WBC чемпиони Деонтей Уайлдерга қарши иккинчи жангим бўлиб ўтади.

Бунинг учун Уайлдернинг ўзи кузда Луис Ортис тўсиғидан ўтиб олиши керак. Агар у мағлуб бўлса, у ҳолда реванш жангининг аҳамияти қолмайди”, - деди Фьюри.