11 июл 15:25
Янгиликлар

Бокс/ММА

Фьюри сентябрь ойидаёқ чемпионлик жангида рингга чиқиши мумкин

Профессионал бокснинг супероғир вазн тоифасида собиқ жаҳон чемпиони Тайсон Фьюри (25-0, 18 КО) 23 сентябрь куни рингга кўтарилиши мумкин.

Айнан шу куни Англиянинг Манчестер шаҳрида бокс кечаси ташкил этилади ва унда Тайсоннинг амакиваччаси Хьюи Фьюри (20-0, 10 КО) WBO чемпиони Жозеф Паркер (23 -0, 18 КО) билан тўқнаш келади.

Тайсон Фьюрининг мураббийи, ҳам амакиси Питер Фьюрининг айтишича, унинг жияни супероғир вазндаги чемпионларнинг бири билан жанг қилишга тайёр.

“Тайсон қайтишни ва ҳаммадан яхши эканлигини исботламоқчи. У албатта қайтади ва ўзини кучли ҳисоблаган чемпионларни мағлуб этади. Кличкога қарши кечган жангда Тайсон ўз имкониятини тўлиқ кўрсатгани йўқ. У бундан ҳам кучли жанг қила олади”, - деди Питер Фьюри.