24 янв 11:07
Янгиликлар

Бокс/ММА

Фьюри Уайлдер билан Антарктидада жанг қилишга ҳам тайёр

Профессионал бокснинг супероғир вазн тоифасида мағлубият нималигини билмай келаётган Тайсон Фьюри яна бир бор WBC чемпиони Деонтей Уайлдерни рингга чорлади.

Британиялик собиқ жаҳон чемпиони реванш жанги манзили ҳақида берилган саволга шундай жавоб берди.

“Уайлдер билан Буюк Британия ёки АҚШда жанг ўтказишни истайман. Лекин мени жой масаласини унчалик ҳам қизиқтирмаяпти. Унга қарши Австралия ёки Антарктидада рингга чиқишга ҳам тайёрман. Реванш жангининг ўтказилиши Уайлдер ва унинг жамоасига боғлиқ бўлиб қолди. Агар улар буни исташса, у ҳолда жанг шубҳасиз ўтказилади. Мен қўлимдан келган барча ишни қилдим”, - деди Фьюри.

Эслатиб ўтамиз, бу икки боксчи ўртасидаги 1 декабрь куни бўлиб ўтган чемпионлик жангида кутилмаганда дуранг натижа қайд этилган эди.