16 авг 10:32
Янгиликлар

Бокс/ММА

Гаджи Рабаданов иштирокидаги PFL 9 турнирининг асосий жанги кутилмаган натижа билан якунланди

АҚШнинг Шимолий Каролина штати Шарлотт шаҳрида аралаш яккакураш бўйича PFL World Tournament 9: Finals турнири бўлиб ўтди.

PFL 9 Гран-присининг асосий жанги енгил вазн тоифасида россиялик Гаджи Рабаданов ҳамда Буюк Британия вакили Альфи Дэвис ўртасида ўтказилди. Беш раунд тўлиқ давом этган жангда кутилмаган натижа қайд этилди.

Британиялик жангчи ҳакамларнинг якдил қарори (48-47, 48-47, 48-47) билан очколар ҳисоби бўйича ғалаба қозонди. Дэвис енгил вазнда PFL Гран-приси ғолибига айланди. Жангга қадар Альфига яққол аутсайдер сифатида қарашаётган эди.

Маълумот учун, Рабаданов кеча фаолиятидаги бешинчи мағлубиятини қабул қилиб олди. Ҳисобидаги ғалабалари сони 26 талигича қолди, битта дуранг ҳам бор. Альфи Дэвис эса 20 ғалаба, 5 мағлубият ва 1 дурангга эга.