17 дек 13:44
Янгиликлар

Гандбол

Гандбол. Наманганлик ўсмирлар мамлакат чемпиони бўлишди

Пойтахтимизда 2005-2006 йилларда туғилган ўсмирлар жамоалари ўртасида гандбол бўйича илк бор Ўзбекистон чемпионати бўлиб ўтди.

Унда Қорақалпоғистон Республикаси, барча вилоятлар ҳамда Тошкент шаҳар жамоалари ғолиблик учун баҳс олиб боришди. Совринли ўринлар учун кураш Қорақалпоғистон Республикаси, Сирдарё ва Наманган вилояти терма жамоалари ўртасида кечди.

Унда наманганлик ўсмирлар Қорақалпоғистон Республикаси ҳамда Сирдарё вилояти жамоаларини мос равишда 28:8 ва 29:14 ҳисобларида мағлуб этиб, Ўзбекистон чемпионига айланишди. Сирдарё вилояти иккинчи, қорақалпоғистонлик ёш қўл тўпи усталари учинчи ўринни эгаллашди.