24 янв 19:47
Янгиликлар

Гандбол

Гандбол. Осиё чемпионатида иккита ғалабага эришдик

Ганбдол бўйича Ўзбекистон эркаклар терма жамоаси Жанубий Кореяда ўтказилаётган Осиё чемпионатида қатнашаётганликлари ҳақида хабар бергандик.

Вакилларимиз гуруҳ босқичида Япония ва Эрон терма жамоаларига имкониятни бой бергандилар. Якунда гуруҳда сўнгги ўринни эгаллагандик.

Шу тариқа терма жамоамиз қуйи ўринлар учун курашишга мажбур бўлдилар. Ҳамюртларимиз аввалига Янги Зеландия терма жамоасини 33:19, кейин эса Ҳиндистон терма жамоасини эса 29:27 ҳисобларида мағлубиятга учратдилар.

Энди Ўзбекистон терма жамоаси 26 январь куни Хитой терма жамоасига қарши ўйин ўтказадилар. Гандболчиларимиз ушбу баҳсда ғалаба қозона олсалар, Осиё чемпионатини тўққизинчи ўринда якунлайдилар. Маълумот учун, қитъа биринчилигида 14 та терма жамоа иштирок этмоқда.