Гандбол. Ёшларимиз Италиядаги турнирда чемпион бўлишди+ФОТО

12-21 декабрь кунлари ўтказилган еттинчи халкаро турнирда мезбон Италия ҳамда Ўзбекистондан ташқари Болгария, Бельгия, Руминия, Венгрия каби Европанинг кўзга кўринган давлат терма жамоалари иштирок этишди.

Улуғбек Икромов бош мураббийлигидаги ёшларимиз айлана тизимда ўтган мусобақада Болгария терма жамоасини 28:20, Венгрияни 31:29, Бельгияни 22:20, Руминияни 38:28, Италияни 30:26, мезбонлардан “Терамо” ҳамда “Флоренция” клубларини мос равишда 26:14 ва 34:31 ҳисобида мағлуб этишди.

Шу тариқа, барча учрашувларда ғалабага эришган Ўзбекистон ёшлар терма жамоаси мусобақа ғолибига айланди. Бельгия ва италиялик гандболчилар кучли учликдан жой олишди.