Гассиев иккинчи финалчи, у рақибини сўнгги сонияларда нокаут қилди

Россиянинг Сочи шаҳрида ўтказилган чемпионлик жангида россиялик Мурат Гассиев кубалик Юниер Дортикосга қарши рингга кўтарилди. Жанг ғолибини финалда украиналик Александр Усик кутиб турганди. У Рига шаҳрида ўтган илк ярим финал жангида лавтиялик Майрис Бриедисни мағлуб этганди. 

Ўн икки раундга белгиланган жангнинг сўнгги сониялари ўтиб бораётган бир пайтда биринчи оғир вазнда IBF чемпиони бўлган Гассиев рақибини икки бор нокдаун ҳолатига тушириб қўйди. Гонг янграши олдидан рефери WBA чемпиони Дортикос жангни давом эттира олмаслигини маълум қилди.

Шу тариқа, Мурад Гассиев бир йўла иккита жаҳон чемпионлик камари соҳибига айланиш баробарида Суперсериянинг финалига йўлланмани қўлга киритди. Финал жанги май ойида Саудия Арабистонининг Жидда шаҳрида бўлиб ўтади.