03 фев 09:28
Янгиликлар

Бокс/ММА

Гассиев vs Дортикос. Боксчилар тарозига чиқишди, бугун жанг!

Бугун Бутунжаҳон бокс Суперсерия (WBSS)сининг иккинчи ярим финалидан ўрин олган жанг бўлиб ўтади.

Россиянинг Сочи шаҳрида ўтказиладиган чемпионлик жангида россиялик Мурат Гассиев кубалик Юниер Дортикосга қарши рингга кўтарилади. Жанг ғолибини финалда украиналик Александр Усик кутиб турибди. У Рига шаҳрида ўтган илк ярим финал жангида лавтиялик Майрис Бриедисни мағлуб этганди.

Кеча иккинчи ярим финал иштирокчилари тарозидан ўтиш маросимида иштирок этишди. Иккала чемпион ҳам белгиланган вазн (90,7 кг) меъёрини бажаришди. Биринчи оғир вазнда IBF чемпиони бўлган Гассиев 199,2 фунт (90,35 кг), WBA чемпионлик камари соҳиби Дортикос эса 200 фунт тош босди.