30 янв 12:27
Янгиликлар
Бокс/ММА
Геннадий Головкин: “Альварес эмас, кўпроқ мен ҳакамларнинг қарорига қўшилмаганман”
Қозоғистонлик жаҳон чемпиони Геннадий Головкин ҳам Сауль Канело Альваресга қарши ўтказиладиган реванш жанги хусусида ўз фикрини билдирди.
Бу икки боксчи ўртасидаги илк жанг ўтган йилнинг сентябрь ойида ўтказилган ва унда дуранг натижа қайд этилганди. Головкин ўз интервьюсида такрорий жангни сабрсизлик билан кутаётганини айтди.
“Мен Альваресга қарши жангга тайёрман ва бу баҳснинг ўтказилишидан хурсандман. Сабрсизлик билан 5 май санасини кутяпман. Қолаверса, бу жангни бутун дунё бокс мухлислари кутишяпти. Саулдан кўра мен ҳакамларнинг биринчи жангдаги айрим хулосаларидан норози бўлгандим. Мен рингни жаҳон чемпиони сифатида тарк этаман”, - деди ўрта вазнда WBC, WBA ҳамда IBF йўналишлари чемпиони.
Эслатиб ўтамиз, Геннадий Головкин ва Сауль Альварес ўртасидаги жанг 5 май куни бўлиб ўтади. Ҳозирча жангнинг ўтказилиш манзилига ойдинлик киритилмаган.
Ҳавола :
Фикрлар