06 июн 20:22
Янгиликлар

Бокс/ММА

Гловацкий жангсиз WBO камарини қўлга киритди

Польшалик боксчи Кшиштоф Гловацкий биринчи оғир вазн тоифасининг тўлақонли WBO чемпионига айланди.

Кшиштоф шу кунгача "вақтинчалик" чемпион мақомида бўлиб келаётганди. Украиналик мутлоқ жаҳон чемпиони Александр Усикнинг супероғир вазнга ўтганлиги сабабли Гловацкий WBO камарининг тўлақонли эгаси бўлди.

Бу маълумот ташкилот расмий сайтида тасдиқланди. 15 июнь куни Рига шаҳрида Бутунжаҳон бокс суперсериясининг ярим финал жангида Гловацкий ўзининг WBO камарини Майрис Бриедисдан ҳимоя қилади. Ушбу жанг ғолиби Усикдан сўнг вакант қолган WBC камарини ҳам қўлга киритади.