27 янв 16:47
Янгиликлар

Бокс/ММА

Ғофур Раҳимов: "AIBAнинг нуфузини сақлаб қолиш учун барча билан ҳамкорлик қиламан"

AIBAнинг Дубайда ўтказилган навбатдан ташқари конгрессида ҳамюртимиз Ғофур Раҳимов ташкилотнинг вақтинчалик президенти этиб тайинланди.

Тайинловдан сўнг Раҳимов ўз фикрларини билдириб ўтди.

"Ижро қўмитанинг барча аъзоларига ишонч учун ўз миннатдорчилигимни билдираман. Франко, дўстим. Сен AIBAни қутқариб қолдинг.

Мен 20 йил ичида вице-президент сифатида фаолият олиб бордим. Биз севимли спортимизни асраб қолиш учун қаттиқ ишлашимиз керак. Шаффофлик намойиш этишимиз лозим. Боксчилар боксчи эканлигидан фахрланишлари лозим. Мен AIBAнинг нуфузини сақлаб қолиш учун барча билан ҳамкорлик қиламан", - деди Ғофур Раҳимов AIBA расмий сайтига берган интервьюсида.