Ғоибназаров жанг қиладиган бокс оқшоми чипталарининг нархи маълум

Ушбу бокс оқшомининг марказий жанги Василий Ломаченко (9-1, 7 КО) иштирокида ўтказилади. Украиналик 29 ёшли боксчи иккинчи енгил вазнда WBA чемпиони кубалик 36 ёшли Гильермо Ригондо (17-0, 11 КО)га қарши рингга кўтарилади. Жанг биринчи енгил вазн (59 кг) тоифасида ўтказилиб, ўртага Ломаченкога тегишли WBO чемпионлик камари қўйилади.

Ташкилотчи томон, аниқроғи Top Rank промоутерлик компанияси 9 декабрь кунги бокс кечасига чиқарилган чипталарнинг нархини эълон қилишди. Унга кўра, энг арзон чипта 56 доллар бўлади. Чипталарни ticketmaster.com сайтидан харид қилиш мумкин.

Эслатиб ўтамиз, мазкур бокс оқшомида ҳамюртимиз Рио Олимпиадаси чемпиони Фазлиддин Ғоибназаров фаолиятидаги ҳисоб бўйича тўртинчи жангида рингга кўтарилади. Унинг рақиби россиялик Андрей Климов бўлади.