29 авг 08:00
Янгиликлар
Бокс/ММА
Ғоибназаровнинг рақиби мексикалик боксчи, жанг 22 сентябрь куни ўтказилади
Профессионал боксда фаолият олиб бораётган Рио Олимпиадаси чемпиони Фазлиддин Ғоибназаровнинг навбатдаги жангини қачон ва кимга қарши ўтказиши маълум бўлди.
Ҳамюртимиз 22 сентябрь куни АҚШнинг Аризона штати Тусон шаҳрида фаолиятидаги учинчи жангида рингга кўтарилади. Унинг рақиби мексикалик Виктор Росас бўлади. Жанг 8 раундга белгиланди.
10 октябрь куни 30 ёшга тўладиган Росас профи рингда 15 та жанг ўтказган бўлиб, уларнинг 9 тасида ғалабага эришган. Учта жангни нокаут билан якунлаган. Мағлубиятлари сони 6 та. Бир бор нокаутга учраган.
Эслатиб ўтамиз, Ғоибназаров машҳур промоутер Боб Арумга тегишли Top Rank промоутерлик компанияси байроғи остида ўз жангларини ўтказиб келяпти.
Маълумот учун, ҳамюртимиз ўзининг сўнгги жангини 20 май куни АҚШнинг Нью-Йорк шаҳридаги дунёга машҳур “Мэдисон Сквер Гарден” аренасида ўтказиб, америкалик Агустин Маурасни мағлубиятга учратган эди.
Ҳавола :
Манба : olamsport.com
Фикрлар