15 сен 10:01
Янгиликлар

Бокс/ММА

Головкин - Альварес. Боксчиларнинг гонорарлари маълум

Маълумотларга қараганда, қозоғистонлик Геннадий Головкин ҳамда мексикалик Сауль “Канело” Альварес ўртасидаги супержанг чамаси 100 миллион доллар йиғади.

Ҳар қандай ҳолатда ҳам Головкин ва Альвареснинг жангдан оладиган гонорарлари уларнинг фаолиятидаги энг каттаси бўлади. Альвареснинг промоутери Оскар де ла Хойянинг айтишича, жангдан 100 миллион доллар даромад олинади.

Ушбу сумманинг 60 фоизи боксчиларга берилади. Пулли трансляция (PPV)лардан тушадиган улушнинг катта қисмини даъвогар Альварес олади. Кейин чипталар сотувидан тушган фойданинг маълум қисми ҳам боксчиларга берилади. Чипта сотувидан ташкилотчилар 30 миллион долллар даромад олишган.