06 сен 11:38
Янгиликлар

Бокс/ММА

Головкин - Альварес. Жанг ғолибига ясалишига 300 соат сарфланган махсус камар топширилади

Бутунжаҳон бокс иттифоқи (WBC) орзиқиб кутилаётган Головкин - Альварес жанги ғолиби учун махсус чемпионлик камари ҳозирлади.

Ўрта вазн тоифасида WBA (Super), IBO, WBC ҳамда IBF йўналишлари чемпиони бўлиб турган қозоғистонлик Геннадий Головкин мексикалик даъвогар Сауль Канело Альваресга қарши рингга кўтарилади.

Ушбу жанг 16 сентябрь куни АҚШнинг Невада штати Лас-Вегас шаҳридаги T-Mobile аренасида бўлиб ўтади. Муаллифлар ушбу махсус чемпионлик камарини ясаш учун 300 соатга яқин вақт сарфлашди. Камарда ҳар икки давлатнинг миллий анъаналари акс эттирилди.