21 июн 10:22
Янгиликлар

Бокс/ММА

Головкин - Альварес: Матбуот анжумани Саулсиз ўтди, Геннадийга камар топширилди

АҚШнинг Лос-Анджелес шаҳрида ўрта вазн тоифасида учта йўналиш бўйича жаҳон чемпиони Геннадий Головкинга The Ring Magazine чемпионлик камарини топшириш маросими бўлиб ўтди.

Мазкур камар Головкинга ушбу бокс нашри томонидан вазн тоифасидан қатъий назар энг яхши боксчи деб топилгани учун топширилди. Бундан ташқари, ушбу тадбирда матбуот анжумани ҳам ўтказилди.

Унда Геннадий Головкин журналистларнинг Сауль “Канело” Альваресга қарши ўтказадиган жанги юзасидан берган саволларига жавоб қайтарди. Мексикалик боксчи эса бу тадбирда иштирок этмади.

Эслатиб ўтамиз, Геннадий Головкин ва Сауль Альварес ўртасидаги такрорий жанг шу йилнинг 15 сентябрь куни АҚШнинг Невада штати Лас-Вегас шаҳрида бўлиб ўтади. Ўтган йилги илк жангда дуранг натижа қайд этилганди.