22 сен 17:30
Янгиликлар
Бокс/ММА
Головкин - Жейкобс жанги 10 декабрь куни ўтказилиши мумкин
BoxingScene.com сайти тарқатган хабарга кўра, профессионал бокснинг ўрта вазн тоифасида WBA (Super), WBC ҳамда IBF йўналишлари чемпиони Геннадий Головкин шу вазнда WBA чемпиони Дэниэль Жейкобсга қарши жанг ўтказади.
Сауль “Канело” Альварес Лиама Смитга қарши жангда жароҳат олганидан ушбу жангнинг ўтказилиш эҳтимоли ортди. Бармоғидан олган жароҳат сабаб Альварес 10 декабрга белгиланган жангини ўтказмаслиги мумкин.
Энди ушбу жанг ўрнини айнан Головкин - Жейкобс баҳси эгаллаши мумкин. Чунки, Альвареснинг HBO телеканали билан тузган шартномасида йил давомида ўтказиладиган иккита жангидан бири бепул каналда кўрсатилиши шарт. Ўша жанг айнан 10 декабрга белгиланган эди.
Жейкобсни Нью-Йоркда яхши билишлари, қозоғистонлик Головкиннинг бу шаҳарда бир нечта жангларни ўтказганлигини инобатга олсак, ушбу тўқнашувнинг амалга ошиш имконияти юқори. Боз устига, шаҳардаги Madison Square Garden ва Barclays Center ареналари 10 декабрь куни банд қилинмаган.
Ҳавола :
Фикрлар