23 май 10:06
Янгиликлар

Бокс/ММА

Головкин ва Деревянченконинг вакиллари IBF офисида 4,5 соат музокара ўтказишди

Профессионал бокснинг учта вазн тоифасида тўртта йўналиш чемпиони бўлиб турган Геннадий Головкин IBF камарини расмий ва шу билан бирга мажбурий даъвогар Сергей Деревянченкодан ҳимоя қилиши керак.

Кеча ҳар икки боксчининг расмий вакиллари АҚШнинг Нью-Жерси штати Спрингфилд шаҳрида жойлашган Халқаро бокс федерацияси (IBF) штаб-квартирасида учрашишди. Музокара 4,5 соат давом этгани айтилмоқда.

Учрашувда ҳар иккала боксчидан ташқари, қозоғистонлик чемпионнинг мураббийи Абель Санчес, унинг юристлари Пэт Инглиш ва Рон Диникол, промоутер Том Лёффлер, украиналик боксчининг промоутери Лу Дибелла, менежери Кит Конноли ҳамда юристи Алекс Домброфф ҳам иштирок этган.

Ҳар икки томон ҳам ўз таклиф ва шартларини илгари сурган. Шундан сўнг расмий вакиллари уч кишидан иборат IBF комиссиясини қизиқтирган саволларга жавоб қайтаришган. Шу ҳафта сўнггида Головкин - Деревянченко жанги юзасидан якуний қарор эълон қилинади.