07 июн 10:30
Янгиликлар
Бокс/ММА
Головкин vs Альварес. Жанг манзили маълум бўлди
“Йил жанги” дея эътироф этилаётган Геннадий Головкин ҳамда Сауль Альварес ўртасидаги чемпионлик жанги ўтказилувчи жой номига ойдинлик киритилди.
Унга кўра, ушбу чемпионлик жанги АҚШнинг Невада штати Лас-Вегас шаҳридаги “Ти-Мобайл Арена”да бўлиб ўтади. Ушбу арена ўз бағрига 20 000 томошабинни сиғдира олади.
Бу маълумотни собиқ жаҳон чемпиони, айни пайтда таниқли промоутер Оскар Де Ла Хойя ҳам тасдиқлади. Ўрта вазн тоифасида қироли қозоғистонлик Геннадий Головкин ҳамда мексикалик Сауль “Канело” Альварес ўртасидаги жанг 16 сентябрь куни ўтказилади.
Аввалроқ, Альвареснинг промоутери бўлган Де Ла Хойя Далласдаги “AT&T-стэдиум”, Нью-Йоркдаги “Мэдисон Сквер Гарден” ҳамда Лос-Анжелес шаҳридаги “Дожер-стэдиум” раҳбарлари билан жангни ўтказиш бўйича музокара олиб борганди.
Ҳавола :
Фикрлар