19 фев 13:22
Янгиликлар

Бокс/ММА

Головкин WBO рейтинги пешқадамига айланиб олди

Профессионал бокснинг ўрта вазн тоифасида собиқ жаҳон чемпиони Геннадий Головкин кеча эълон қилинган февраль ойи учун WBO рейтингида биринчи ўринга кўтарилиб олди.

Қозоғистонлик боксчи январь ойи рейтингида иккинчи поғонадан жой олганди. Ўшанда собиқ WBO чемпиони Билли Жо Сондерс рейтинг пешқадами эди. Лекин Билли иккинчи ўрта вазн тоифасига ўтганидан кейин рейтинг карвонбошилиги Геннадийга ўтди.

Шу тариқа Головкин ўрта вазнда WBO чемпиони Деметриус Андрейднинг камари учун расмий даъвогарга айланди. Андрейд промоутер Эдди Хирннинг мижози ҳисобланади. Унинг жанглари эса DAZN стриминг сервиси томонидан трансляция қилинади. Яқинда айнан DAZN раҳбарияти Головкинга иккита жанг учун кафолатланган 45 миллион доллар таклиф этганди.