10 ноя 07:47
Янгиликлар

Бошқалар

Гулова - жаҳон чемпионатининг кумуш медали совриндори!

Руминия пойтахти Бухарест шаҳрида самбо кураши бўйича жаҳон чемпионати бўлиб ўтмоқда.

Жаҳон чемпионатининг илк кунида спортчиларимиз 4та вазн тоифасида гиламга чиқишди. Аёллар ўртасидаги -48 кг вазн тоифасида юртимиз шарафини ҳимоя қилган Нодира Гулова финалга қадар мағлубиятсиз етиб бориб, жаҳон чемпионатининг кумуш медалига сазовор бўлди. У финалда россиялик Мария Молчановага ютқазиб қўйди.

Эркаклар ўртасида -52 кг вазнда иштирок этган Аҳмад Раҳматуллаев, -68 кг вазн тоифасида жаҳон чемпиони Сарбон Эрназаров ҳамда -90 кг вазнда Камолиддин Холмаматовлар саралаш баҳсларида мағлубиятга учраб, Тошкентга медалсиз қайтадиган бўлишди.