Гулруҳбегим Ченнайдаги мусобақада аёллар ўртасида иккинчи бўлди

18 январдан 25 январга қадар Ҳиндистоннинг Ченнай шаҳрида бўлиб ўтган мусобақада 17 мамлакатдан 317 нафар шахматчилар иштирок этишди. Улар орасида 16 халқаро ва икки аёл гроссмейстерлар қатнашишди. Мусобақада 10дан 8,5 очко тўплаган украиналик Адам Тухаев чемпион бўлди.
 
Ўзбекистонлик халқаро гройссмейстер Гулруҳбегим Тохиржонова мусобақада 6,5 очко жамғарди аёллар ўртасида иккинчи ўринни эгаллади. Эътиборлиси ҳиндистонлик аёл шахматчи Маҳалакшми ҳам 6,5 очко билан аёллар ўртасида биринчи бўлди. Ҳиндистонлик фақат қўшимча кўрсаткичлар бўйичагина Тохиржоновани ортда қолдирди. 
 
Яна бир ўзбекистонлик шахматчи Сарвиноз Қурбонбоева 5,5 очко тўплади.

Эслатиб ўтамиз, Гулруҳбегим Тохиржонова яқинда Нью Делида ўтган халқаро мусобақада аёллар ўртасида энг яхши натижани қайд этганди.