Гулруҳбегим Гибралтардаги турнирда еттинчи учрашувини ўтказди

Анъанавий тарзда ўтказиб келинаётган “Gibraltar chess festival 2019” мусобақасида дунёнинг кучли гроссмейстерлари ва улар қаторида ҳамюртимиз, халқаро аёллар гроссмейстери Гулруҳбегим Тоҳиржонова (2446) ҳам иштирок этяпти.  

Иштирокчилар орасида Максим Вашье-Лаграв (Франция, 2781), Левон Аронян (Арманистон, 2765), Уэсли Со (АҚШ, 2765), Хикару Накамура (АҚШ 2746), Цзюй Вэньцзюнь (Хитой, 2575), Анна Музичук (Украина, 2569), Катерина Лагно (Россия 2560) каби халқаро гроссмейстерлар, жаҳон чемпионларининг борлиги мусобақа нуфузидан дарак бериб турибди. 

Кеча еттинчи партияда Гулруҳбегим Тоҳиржонова қора доналарда россиялик халқаро гроссмейстер Даниил Юффа (2578)га қарши ҳаракат қилди ва кучли рақибига имкониятни бой бериб қўйди. Бугун Тоҳиржонова 8-турда оқ доналарда россиялик Елизавета Соложенкинага қарши баҳс олиб боради.

Бугунги ўйинлар олдидан турнир жадвалида 6 очко жамғарган россиялик Владислав Артемьев (2709) якка пешқадам бўлиб олди. Кеча у америкалик Хикару Накамурани мағлуб этишнинг уддасидан чиққанди. Гулруҳбегим 100таликда ҳам йўқ.