23 май 16:52
Янгиликлар

Велоспорт

Ҳамюртимиз "Silk way series Astana II" совриндори

Қозоғистоннинг Астана шаҳрида велоспортнинг трек йўналишида "Silk way series Astana II" халқаро турнирига старт берилди.

Мусобақанинг дастлабки кунида велоспортчиларимиз "Омниум" дастурида ўз имкониятларини синовдан ўтказишди. Ғолиблар 4 босқич натижаларига кўра аниқланадиган ушбу дастурда ҳамюртимиз Маргарита Мисюрина кумуш медаль соҳибасига айланди.

Айтиш керак, ушбу мусобақа спортчиларимизга Париж-2024 Олимпия ўйинлари йўлидаги қимматли рейтинг очколарини тақдим этиши билан аҳамиятлидир.