Ҳамюртимизни ҳакамлар ёрдамида мағлуб этган боксчи чемпионлик камари учун жанг қилади

Украиналик бу боксчи мағлубият нималигини билмай келаётган америкалик Рeгис Програис (20-0, 17 КО)га қарши рингга кўтарилади. Ушбу ажанг WBC Regular чемпионлик камари учун кечади. Бу маълумотни WBC ташкилоти президенти Маурисио Сулейман тасдиқлади.

Мазкур чемпионлик камари америкалик Теренс Кроуфорд ярим ўрта вазн тоифасига кўтарилганидан сўнг вакант бўлиб қолганди. Постол шу йилнинг 16 сентябрь куни Киев шаҳрида мағлубият нималигини билмай келаётган ҳамюртимиз Жамшид Нажмиддиновни ҳакамлар ёрдамида мағлуб этганди. Ўшанда Жамшид 10 раундлик жангда Постолни икки бор нокдаун ҳолатига тушириб қўйганди.